متداول | 79R متداول | 79R
random

آخر الأخبار

random
random
جاري التحميل ...

قصة يسبني عند طليقته

يسبني عند طليقته






 ‏ انا بنت عمري ٢٧ سنه موظفه وظيفتي ممتازه وراتبي زين واهلي عائله محترمه انا حكيت لكم هالتفاصيا على شان اخذ ارائكم من كل الجوانب 
خطبني صديق خالي مطلق وعنده ولدين انا رفضت بالبدايه تمامااا بس انا صغيره وبيجيني احسن منه ، قالي خالي انه من تزوج زوجته وهو في مشاكل ماتخلص اصلا مايحبها ولا يبيها ومستحيل يرجع لها ، توكلت على الله وتزوجته ودلعني وعشت ايام حلوه بس ساعات يجيه حزن واحس انه سرحان بس طنشت قلت يمكن ضغوط الحياة وكنا متفقين نجلس سنتين بدون اطفال ، في هذي الفتره قطعت قلبي على شان ارضيه وهو يقول انه مبسوط معي ومرتاح بس انا احس انه مبسوط ولا هو مبسوط يعني ساعات احس انه يشتاق لزوجته الاولى ، انا مو من الناس الي يتجسس او ادور الزله او احاول اخلق مشاكل  كنت اسمع كلامه بكل شيء ، المهم بعد مرور سنه وشهرين على زواجنا كان جالس جنبي وماسك الجوال ولمحت انه يرسل قلوب بالواتس اكلني قلبي اشوف مين وحاولت اقنع نفسي بس ماقدرت انتظرته يطلع للحوش ودخلت الغرفه بسرعه وقريت المحادثه كان من اسوء اللحظات بحياتي لقيته يكلم طليقته بغزل ويقولها اااااه ليتك ترجعين وقريت المحادثه من اول كاتب تراك احلى واجمل ويسترجع ذكرياته معها ولكن للامانه هي ماتعطيه وجهه وتقوله كمل حياتك انا مالي رجعه وتقول رجاء هذا الكلام ماينفع ...اما انا وقفتي جمله كاتبها بمحادثه مأرشفها ...اول ماتملكنا مرسلها  تبين نرجع طلقتها تراها ماتجي ظفرك !!!!! كمية ألم كببببيييره انا ماقهرني كيف قدر يعيش هالازدواجيه ماحسيت انه مايحبني ولاقد لمح لي بتصرف ولا بقسوه كانت حياتنا ماشيه ومكرمني ، لكن انا بعدها كررررهته معاد اطيقه حطيت الجوال وسكتتت كنا متفقين نروح لسوق ، قلت له مو رايحه وكان وجهي منقلب دخلت الحمام وبكييييت بعدها انشل تفكيري و قررت‏ اهدىء وافكر جلست يومين ما اعطيه وجهه وهو حس ويسألني وش فيك وكنت ارجع من الدوام منهد حيلي واطبخ وبعدها صرت  اسفهه ولا اناظره واخلي الشغاله تطبخ ولا اجلس معه قالي انتي سامعه شيء قلت له ياليت سامعه شي اهون علي ، هنا هو حس اني شفت المحادثاااات قالي انتي فاتحه جوالي ؟ قمت وخليته ورحت جاني قال اسمعي مني قلت له انت الي اسمع انا حاولت اتقبلك بعد ماشفت كلامك بس عجزت طحت من عيني ولا انا قادره اتقبلك كل حب لك طفى ولا اني قادره اسامحك مقهوره منك منت مضطر ولا احد جبرك علي ، كلامك يقطع القلب بتقولي ليه فتحتي جوالي ؟ انا اعلمك ليه وبجاوبك ذبحتني بكثرة القلوب الي ترسلها لها وتشتت وتفز اذا جيت خصوصا لما قريت كلامه وهو يقولها واحنا كنا بداية زواجنا تراها ماتجي ظفرك !!!! الكلام قاتل وجارح ويذبح من شخص تحبه وتعطيه وتبذل على شان ترضيه ، في الحقيقه استغرب كيف قدر يعيش بازدواجيه كان يقولي احبك وربي عوضني فيك كيف ضحك علي ، انا الان اعيش مع اهلي في بيتهم سعيده ومرتاحه وطالبه الطلاق ولا ابي اتراجع وحظرته لان رسايله تعكر لي مزاجي وشرحت لاهلي وخصوصا الوالد الله يطول بعمره وقال القرار قرارك ولا ارضى الاهانه لك الان بطلب مني فرصه ثانيه وانا ارفض بشده وصديقاتي والناس الي تحبني تقولي عطيه فرصه ولا تستعجلين ...انا صراحه استغرب كيف فرصه ثانيه بعد الي شفته ؟ وش انتظر يعطيني كف قدامها على شان اطلب الطلاق ؟ معاد اتحمل تمثيله ولا عاد اصدقه احس كل هذا تمثيل
.
.
📖 @LOVEHALAL3 💫

ـ➖➖➖➖➖➖➖➖
🚫 يسعدنا مشاركة المنشور مع من تحب لكن لا نحلل حذف معرف القناة لأي سبب كان ..
✔️ مسموح فقط إعادة توجيه أو نسخ لصق بدون أدنى تعديل ☝️🏼
ـ➖➖➖➖➖➖➖


عن الكاتب

R 2

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

متداول | 79R